Akte ligjore & Dokumentacion

Në këtë ndërfaqe janë të listuara Ligje dhe Akte Nënligjore që lidhen me krijimin dhe funksionimin e Sistemit të Drejtësisë. Ato janë të ndara në disa kategori dhe fillojnë me Kushtetutën, Kodet, Ligjet, Dekrete, Vendimet, Udhëzime, Rregulloret dhe Dokumenta Strategjik. Kërkimi përveç nënkategorive bëhet edhe me ndihmën e makinës së kërkimit ku mund të aksesoret dokumenti si datë / institucion / fjalë kyçe etj.

Procesverbal Nr.27 i Këshillit të Emërimeve në Drejtësi datë 06.08.2019, Ora 09.30

Rendi i ditës :
1. Shqyrtimi i gjetjeve në procedurën e verifikimit të kandidates Marsida Xhaferllari, kandidate për vendin vakante në Gjykatën Kushtetuese të shpallur nga Presidenti i Republikës në datën 04.03.2019 dhe për vendin të Inspektorit të Lartë të Drejtësisë.
2. Diskutim dhe vendimmarrje lidhur me gjendjen që rezulton nga procedura e verifikimit të kandidaturave dhe numri i kandidatëve të lejuar, si edhe për mënyrën e procedimit nga ana e Këshillit, për vendet vakante si më poshtë:
- vendin vakant për Inspektor i Lartë i Drejtësisë
- vendin vakant për gjyqtar në Gjykatën Kushtetuese, vakancë e parakohshme, shpallur nga Presidenti i Republikës në datën 07.02.2018
- vendin vakant për gjyqtar në Gjykatën Kushtetuese, vakancë e parakohshme, shpallur nga Kuvendi në datën 28.08.2018

Mbledhja Plenare NR.25 e KLP-së datë 02 Gusht 2019, Ora 11:00

Rendi i ditës:
1. Miratimi i projekt-aktit pёr mbarimin e mandatit të anëtarit të Këshillit të Lartë të Prokurorisë, z. Gentjan Osmani.

Procesverbal Nr.26 i Këshillit të Emërimeve në Drejtësi datë 02.08.2019, Ora 12.00

Rendi i ditës :
1. Shqyrtimi i gjetjeve në procedurën e verifikimit të kandidates Zhaklina Peto për kandidimin e saj për vendet vakante për Gjykatën Kushtetuese.
2. Vendimmarrja lidhur me lejimin ose ndalimin e kandidimit të kandidatëve Eris Hysi dhe Klodian Rado për vendin vakant të Inspektorit të Lartë të Drejtësisë.

Proceverbal i mbledhjes së Këshillit të Lartë Gjyqësor, datë 30.07.2019

Rendi i ditës:
1. Shqyrtimi i projektvendimit “Caktimi në pozicion i gjyqtarëve të emëruar më datë 19.07.2019”.
2. Shqyrtimi i projektvendimit “Për miratimin e projektbuxhetit afatmesëm 2020-2022 për pushtetin gjyqësor (faza e dytë)” i përgatitur nga Komisioni i Planifikimit Strategjik, Administrimit dhe Buxhetit.
3. Shqyrtimi i projektvendimit “Për ndërprerjen e marrëdhënieve në shërbimin civil gjyqësor të kancelarit të Gjykatës së Rrethit Gjyqësor Kukës z. {…}, për shkak të dorëheqjes”, i përgatitur nga Komisioni i Planifikimit Strategjik, Administrimit dhe Buxhetit.
4. Raport “Mbi shqyrtimin e ankimeve kundër vendimeve të Kryeinspektorit të ish-KLD-së për arkivimin/mbylljen e hetimit ndaj një gjyqtari”.
5. Miratimi i procesverbaleve të mbledhjeve të Këshillit të Lartë Gjyqësor për datat 17.06.2019, 21.06.2019, 05.07.2019, 09.07.2019 dhe 15.07.2019.

Procesverbal Nr.25 i Këshillit të Emërimeve në Drejtësi datë 30.07.2019, Ora 10.00

Rendi i ditës :
1. Shqyrtimi i rasteve mbi gjetjet e deritanishme në procedurën e verifikimit, për disa prej kandidatëve për vendet vakante Gjykatën Kushtetuese dhe të Inspektorit të Lartë të Drejtësisë.

Proceverbal i mbledhjes së Këshillit të Lartë Gjyqësor, datë 26.07.2019

Rendi i ditës:
1. Shqyrtimi i projektvendimit “Për fillimin e procedurës së verifikimit të kushteve dhe kritereve të përzgjedhjes së kandidatëve, nga radhët e juristëve të spikatur, për në pozicionet e lira në Gjykatën e Lartë dhe caktimi i relatorit për secilin kandidat”.
2. Caktimi i gjyqtarëve për gjykimin e çështjeve gjyqësore të veçanta në gjykata të tjera, të ndryshme nga ato ku ushtrojnë funksionet në mënyrë të përhershme, i përgatitur nga Komisioni i Zhvillimit të Karrierës.